iPhone 17「愛馬仕橙」中國爆紅！Apple（橙）成了！第 4 季營收升 38%，靠新設計扭轉 3 年跌勢金融時報指 Apple 憑 iPhone 17 系列喺中國市場強勢反彈，第 4 季中國營收按年升 38% 至 260 億美元，扭轉 3 年跌勢。「宇宙橙」配色因被暱稱「愛馬仕橙」同諧音寓意，成為社交平台爆紅話題。點解「宇宙橙」會紅：一眼辨認 + 吉祥寓意報道形容，iPhone 17 系列尤其係 Pro 型號嘅設計更新令新機更易被認得「係新、係高階」，強化咗 iPhone 喺中國作為某種身份象徵嘅定位。其中最搶鏡係「宇宙橙」款式，因為顏色近似 Hermès 招牌色而被稱為「愛馬仕橙」，引發大量開箱貼文同短片，形成自發式擴散。​

廣告廣告亦有受訪用家直言揀橙色就係因為「夠搶眼、夠新」，旁人一望就知係新款 iPhone 17，變相將顏色變成社交訊號。除咗似 Hermès 帶嚟嘅「奢侈品聯想」，報道亦提到「橙」喺中文語境入面仲有諧音吉祥寓意。唔少買家會借「橙」同「成」（成功）近音，喺社交平台玩「心想事橙（成）」、「馬到功橙（成）」等祝福式文案，令呢隻色由外觀賣點，升級成一種帶好意頭嘅社交符號。Apple 營收猛漲 38%，扭轉 3 年跌勢金融時報引述 Tim Cook 談到第 4 季 iPhone 銷售表現，指 Apple 喺中國市場收入按年大升 38% 至 260 億美元，接近佔公司總銷售五分之一，並扭轉約 3 年嘅銷售下滑。分析亦提到，Apple 之前曾連續多季面對中國市場壓力，今次反彈令投資者情緒明顯改善。硬件升級 + 補貼政策一齊推高換機 iPhone 17 喺相機、晶片、螢幕同電池等方面嘅有感升級，推動咗一波「超級換機週期」。另外，中國政府針對 6,000 人民幣以下智能手機提供最高 500 人民幣補貼，亦令入門款 iPhone 17 受惠，進一步降低換機門檻。​

加上中美關係、AI 功能審批等不確定因素之下，消費者反而更容易被「睇得見」嘅外觀更新說服，令「宇宙橙」成為最直接嘅賣點。更多內容：

Apple 業績爆升 16%！iPhone 17 令大中華區營收激增近四成

緊貼最新科技資訊、網購優惠，追隨 Yahoo Tech 各大社交平台！

🎉📱 Tech Facebook：https://www.facebook.com/yahootechhk

🎉📱 Tech Instagram：https://www.instagram.com/yahootechhk/

🎉📱 Tech WhatsApp 社群：https://chat.whatsapp.com/Dg3fiiyYf3yG2mgts4Mii8

🎉📱 Tech WhatsApp 頻道：https://whatsapp.com/channel/0029Va91dmR545urVCpQwq2D

🎉📱 Tech Telegram 頻道：https://t.me/yahootechhk